Mire rab kī mujh par huī
Kahūñ bhī to kaise huī
Haqīqat huī jaise mujh par ayaañ
Qalam ban gayā hai ḳhudā kī zabāñ
Muḳhātib hai bande se
Tū husn-e-chaman tū hī rang-e-bahār
Tū me.arāj-e-fan tū hī fan kā siñghār
Musavvir huuñ maiñ tū mirā
Ye sub.heñ ye shāmeñ ye din aur raat
Ye rangīn dilkash hasīñ kā.enāt
Ki hūr-o-malā.ik vo jinnāt meñ
Kiyā hai tujhe ashraf-ul-maḳhluqāt
Mirī azmatoñ kā havāla hai tū
Tū hī raushnī hai ujālā hai tū
Farishtoñ se sajda bhī karvā diyā
Ki tere liye maiñ ne kyā na kiyā
Ye duniyā jahāñ bazm-ārā.īyāñ
Ye mahfil ye mele ye tanhā.iyāñ
kā tujhe shāmiyāna diyā
Zamīñ par tujhe āb-o-dāna diyā
Mile ābshāroñ se bhī hausle
PahāḌoñ meñ tujh ko diye rāste
Ye paanī havā aur ye shams-o-qamar
Ye mauj-e-ravāñ ye kināra bhañvar
Ye shāḳhoñ pe ġhunche chaTaḳhte hue
pe sitāre chamakte hue
Ye sabze ye phūloñ-bharī kyāriyāñ
Ye panchhī ye uḌtī huī titliyāñ
Ye sho.ala ye shabnam ye miTTī ye sang
Ye jharnoñ ke bajte hue jal-tarañg
Ye jhīloñ meñ hañste hue se kañval
Ye dhartī pe mausam kī likkhī ġhazal
Ye sardī ye garmī ye bārish ye dhuup
Ye chehra ye qad aur ye rañg-rūp
Darindoñ charindoñ pe qaabū diyā
Tujhe bhaa.ī de kar ke baazū diyā
Bahan dī tujhe aur sharīk-e-safar
Ye rishte ye naate gharānā ye ghar
Ki aulād bhī dī diye vāldain
Alif laam miim kaaf aur ain ġhain
Ye aql-o-zahānat shu.ūr-o-nazar
Ye bastī ye sahrā ye ḳhushkī ye tar
Aur is par kitāb-e-hidāyat bhī dī
Nabī bhī utāre sharī.at bhī dī
Ġharaz ki sabhī kuchh hai tere liye
Batā kyā kiyā tū ne mere liye